الشعب يريد اسقاط النظام هذا العنوان الرئيسي للثورة

الشعب يريد اسقاط النظام هذا العنوان الرئيسي للثورة
خرجنا للشارع اسقطنا ما اسقطنا و مشينا للقصبة من اجل المجلس التاسيسي
مشا جزء كبير من الشعب للانتخابات لاسقاط النظام و لكي تصل الاحزاب الثورية للسلطة لكي تحاسب و تشغل الناس
لذا اصدقائي في المعارضة او في النهضة او في المؤتمر او في التكتل ما تنساوش الي المطلب هو المحاسبة و القصاص و التشغيل ايضا ماو على هذا صارت انتخابات ولا لا ؟ ياخي الانتخابات غاية... ام وسيلة ؟
و حتى حد لا ينسى انو الشعب اعطى نسبة اكبر لاحزاب على حساب احزاب لذا الشنتاج الي قاعد يصير و التخويف و البكاء زايد الشعب هو من جاب النهضة و الموتمر و التكتل و هو الي صرفق البي دي بي و القطب لذا الناس الكل تلمو و احشمو شويا ماكانش ماكم عارفين الشعب كي يتكلم يشطب على الكل
جراد يهدد البوليس يهدد الحداثيين يهددو خميس كسيلة يهدد محسن مرزوق يهدد و توا المؤتمر ولا يهدد و غدوة النهضة بش تهدد
و ناسين حاجة راكم الي الشعب مازال ساكت يتفرج يا ادمينات الاحزاب بدون استثناء
راكم قاعدين تكرهو في الشعب في عيشو الكلبة و نهارت الي بش يطرشق الشعب بش يشطب عل الكل
الكلام هذا موجه زادا لادمينات صفحة بالمرصاد و ماناش استثناء احنا؛ نحنا دعمنا النهضة و الموتمر للشيئ هذا للمحاسبة و التشغيل مش لشكون بش يكون عندو صلاحيات اكثر من شكون خاطر تقييمنا احنا الي هوما اقرب ناس لتحقيق المطالب هذي فقط لا غير لذا كان بش تكسرولنا ريوسنا برشة بالعرك و المعروك بش نقولولكم الكلمة الشهيرة
انا كمواطن عادي تهمني كان المحاسبة و التشغيل و حقي و كرامتي انا ضامنهم ؛ للي خايفين من عودة الدكاتورية انا كمواطن ضامن لعدم عودة الدكتاتورية لا احزاب و لا جمعيات و لا صلاحيات و لا اسماء الوزراء و لا انتمائاتهم الحزبية و لا هم يحزنون
فكو على امنا عيفتونا في حياتنا شكون رئيس و شكون رئيس وزراء و شكون في الداخلية و شكون في العدل و شنية الصلاحيات
شيهمني انا في هذا الكل ؟ انا تهمني حاجة وحدة المحاسبة الي قتلو و الي سرقو و الي عذبو يتحاسبو و التشغيل لانه لا كرامة مع الفقر و الخصاصة.....عن صفحة بالمرصاد

Posted in: Social